ԵԱՀԿ Նախարարների խորհուրդը որոշում է ընդունել փակել ԵԱՀԿ Մինսկի գործընթացը և դրա հետ կապված կառույցները

Սեպտեմբերի 1-ին ԵԱՀԿ Նախարարների խորհուրդը որոշում է ընդունել փակել ԵԱՀԿ Մինսկի գործընթացը և դրա հետ կապված կառույցները։

ԵԱՀԿ Քարտուղարությանը հանձնարարվել է մինչև 2025 թվականի դեկտեմբերի 1-ը ավարտել վերոնշյալ կառույցների փակման հետևանքով առաջացած վարչական և տեխնիկական հարցերի լուծումը։

Որոշմամբ նաև հայտարարվել է, որ ԵԱՀԿ շրջանակներում նախկինում ընդունված բոլոր որոշումները, որոնք վերաբերում էին նախկին հայ-ադրբեջանական հակամարտությանը, կորցնում են իրենց ուժը և ենթակա չեն կիրառման։

Հիշեցնենք, որ օգոստոսի 8-ին Վաշինգտոնում Դոնալդ Թրամփի, Իլհամ Ալիևի և Նիկոլ Փաշինյանի միջև կայացած հանդիպման շրջանակում Փաշինյանը բավարարել է Ադրբեջանի երկարմյա պահանջը Մինսկի խմբի լուծարման հետ կապված։