Այսօր էլ, 5-րդ տարին անընդմեջ, պապան իր ծննդյան օրը կլիներ Եռաբլուրում․ սակայն այս անիրավները դա շատ համարեցին․ Անի Ռոստոմյան

Արա Ռոստոմյանի դուստր Անի Ռոստոմյանը գրում է․

«2020+5 թվականի հուլիսի 19ն է, 00:01 րոպե ու այսօր, էլ 5-րդ տարին անընդմեջ, պապան իր ծննդյան օրը կլիներ Եռաբլուրում, իր Հերոս Որդու կողքին:

Սակայն այս անիրավները դա շատ համարեցին: Փորձում են ստոր մեթոդներով, շինծու մեղադրանքներով հնազանդեցնել անհնազանդելին:

Պապ ջան, գիտեմ որ այս ժամանակավոր փորձությունն էլ կհաղթահարես, քանի որ ինչ է սա էն ամենի հետ համեմատ ինչ տեսել ու ապրել ես քո կյանքում: Ազատությունը, քաջությունն ու անձնվիրությունը քո արյան մեջ է ու դրանք կրում են քո սերունդները:

Միայն մի բան կասեմ բոլորին, որ հիշեն ու երբեք չկասկածեն «Հերոս ծնած մարդը, չի խոնարհվի երբեք չարիքի առաջ` ինչ էլ որ լինի»»: