Ի՞նչ ահաբեկչություն, եփած հավի ծիծաղն էլ ա գալիս․ երանի թե լիներ հեղաշրջման պլան․ Չախալյան

Վահագն Չախալյանը, լրագրողների հետ զրույցում անդրադարձել է իրավապահների՝ ընդդիմադիրների նկատմամբ իրականացված գործողություններին՝ նշելով, որ սա Նիկոլ Փաշինյանի իշխանության կողմից իրականացվող ճնշումների և արդեն նախապես պլանավորված գործողությունների շարունակությունն է։ Նա ասաց, որ առգրավվել են իր անձնական փաստաթղթեր և կազմակերպչական նյութեր՝ կապված «Կամք» նախաձեռնության ոչ բռնի պայքարի հետ։ Չախալյանը շեշտել է, որ ձայնագրությունների մասին ինքը տեղյակ չէ, և դա կարող է լինել կեղծ կամ մանիպուլյատիվ նյութ։

Հիշեցնենք, որ վաղ առավոտից իրավապահները խուզարկություններ են իրականացնում ընդդիմադիրների տներում։ Բազմաթիվ անձինք բերման են ենթարկվել, որոնց թվում է նաև Բագրատ Սրբազանը։

Մանրամասն՝ տեսանյութում։