ՌԴ ԶՈւ-ն ազատագրել է Ուլյանովկան ԴԺՀ-ում․ ՌԴ ՊՆ

Ռուսական «Կենտրոն» զորախումբը ազատագրել է Ուլյանովկան Դոնեցկի Ժողովրդական Հանրապետությունում։ Այս մաիսն հայտնել են ՌԴ պաշտպանության նախարարությունից:

««Կենտրոն» զորքերի խմբավորման ստորաբաժանումների ակտիվ և վճռական գործողությունների արդյունքում ազատագրվել է Դոնեցկի Ժողովրդական Հանրապետության Ուլյանովկա բնակավայրը»,-ասվում է ռուսական գերատեսչության ամփոփագրում:

Բացի այդ, ՌԴ ԶՈւ-ն խոցել է Ուկրաինայի զինված ուժերի չորս մեքենայացված, երկու եգերական, գրոհային, դեսանտա-գրոհային բրիգադների, ծովային հետևակի բրիգադի և ազգային գվարդիայի բրիգադի կազմավորումները ԴԺՀ Պետրովսկու, Դիմիտրովի, Ստեպանովկայի, Գրոդովկայի, Կրասնոարմեյսկի, Նովոնիկոլաևկայի և Նովոսերգեևկայի շրջաններում:

Հակառակորդի կորուստները կազմել են մինչև 495 զինծառայող, ԱՄՆ արտադրության երկու М113 զրահամեքենա, «Կազակ» զրահապատ ավտոմեքենա, յոթ ավտոմեքենա և դաշտային հրետանու երկու հրանոթ, այդ թվում՝ լեհական արտադրության 155 միլիմետրանոց Krab ինքնագնաց կայանք: ՌԴ ՊՆ-ում հավելել են, որ ոչնչացվել են նաև իսրայելական արտադրության RADA հակահրթիռային պայքարի ռադիոէլեկտրոնային կայան և զինամթերքի պահեստ։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։