Փաշինյանին օդ ու ջրի պես պետք է ևս մեկ ձախողված շարժում և նա ջանք չի խնայում մղել բոլորին դեպի դա․ Վլադիմիր Մարտիրոսյան

Քաղաքագետ, ԵՊՀ դոցենտ Վլադիմիր Մարտիրոսյանը գրում է․

«Իրականում այս ամենով լուծվում է երկու հարց՝ արտաքին և ներքին:

Նրա արտաքին պարտավորությունների մեջ է մտնում «ռևանշիզմի» քայքայումը Հայաստանում: Յուրաքանչյուրն ով այդ հորիզոնականի մեջ է գործում աներկբա թշնամի պետք է հռչակվի: Օրգանապես ամենապահպանողական և կայուն ինստիտուտն այդ առումով եկեղեցին է: Միայն այդ ուժով այն պետք է բարոյազրկել, արժեզրկել իր հավատովորների աչքերում և զրկել «ռևանշիզմի» էներգիայից մղելով անկյուն և ներկայացնել զեկույց կատարողականի մասին:

Ներքին առումով սխեման պարզ է, իսկ անունը հետևյալն է՝ «Այո ես այդպիսին եմ, բայց դուք էլ եք այդպիսինը»: Որպես քաղաքական տեխնիկա այս վարժության համար ընտրվել է մաքսիմալ ազդեցությունը ընտրազանգվածի վրա առանց որևէ բարոյական և կարմիր գծեր պահելու:

Հաշվարկը ևս պարզ է՝ անցնել կարմիր գծեր, ստեղծել տրիգերներ, որոնք կլինեն հաշվարկված ու կառավարելի ստեղծողի կողմից: Փաշինյանը շատ լավ գիտի, որ տրիգերներ ստեղծելով և փողոցները դատարկ մնալով տրիգեր երևույթն էլ է արժեզրկվում, ուստի կարելի է անել ամեն բան, ամեն ինչ, անցնել ամեն կարմիր գիծ և տրիգերը կդադարի տրիգեր լինել: Հանրությունն էլ կադապտանա հատած կարմիր գծի հետ, որովհետև առայժմ Փաշինյանին համաժողովրդական ցասման արդյունքում քաղաքական փոխարինողի ոչ կարողություն կա, ոչ ամբիցիա և տրիգերը մնալու է անտեր և անշարունակելի:

P.S. Նրան օդ ու ջրի պես պետք է ևս մեկ ձախողված շարժում և նա ջանք չի խնայում մղել բոլորին դեպի դա հաշվելով, որ կուտակված գազի արտանետումը կնվազեցնի պայթյունի իրական վտանգը: Գազը կուտակվում է, իսկ արտանետում դեռ չկա: Սա է նրա գլխավոր խնդիրը»: