Մայիսի 28-ը գնահատման և արժևորման կարիք ունի, հատկապես, երբ մեր պետականությունը մեծագույն սպառնալիքի առաջ է կանգնած․ Լիլիթ Գալստյան

«Մայիսի 28-ը գնահատման և արժևորման կարիք ունի, հատկապես այս ծանր օրերեին, երբ մեր պետականությունը մեծագույն սպառնալիքի  առաջ է կանգնած և պետականության գոյության մարտահրավերին ենք դիմագրավում»,-Հայաստանի Առաջին Հանրապետության հիմնադիր Արամ Մանուկյանի արձանի մոտ, Հայաստանի Առաջին Հանրապետության հիմնադրման 107-ամյակին նվիրված միջոցառման ժամանակ,  լրագրողների հետ զրույցւոմ ասաց ՀՅԴ Բյուրոյի անդամ, ԱԺ «Հայաստան» խմբակցության պատգամավոր Լիլիթ Գալստյանը։

Պատգամավորը նկատեց, որ 600 ամյա պետականության բացակայությունից և ցեղասպանությունից հետո հայությունն իր մեջ ուժ և սեփական իղձի հետևից զոհաբերությամբ գնալու կամք գտավ և հռչակեց Առաջին Հանրապետությունը։

«Մայիսի 28-ը տոն լինելուց բացի փիլիսոփայություն է, գոյության կերպ է և այն արժևորվում է ճիշտ այս օրերին. երբ անվտանգային բացառիկ մարտահրավերներ ունենք»,-ասաց Լիլիթ Գալստյանը։

Անդրադառնալով Սարդարապատի հուշահամալիրում Փաշինյանի հայտարարությանը, թե՝ Հայաստանը  երբեք այսքան ինքնիշխան չի եղե, արձագանքեց. «Սա զավեշատալի, տրադիկոմեդիկ արտահայտությունն է այս օրերին ավելի քան անկախ համարել Հայաստանը և այն ասում է մի քաղաքական ուժի առաջնորդ, որի հետագծում 5 հազար մեր զավակների արյունն է, Արցախի ցեղասպանությունը,  անտերությունը։ Այս ամենի ֆոնին ունենալ քաջություն՝հայտարարելու, թե այսօր ավելի քան անկախ ենք․․․ Կարծես, թե իր և իր անմիջական թիմի լիարժեք երջանկության համար պակասում էր Արցախի ցեղասպանությունը։ Սա քաղաքական ցինիզմ է»,-հայտարարեց Լիլիթ Գալստյանը։

Մանրամասն՝ տեսանյութում։