Լարված իրավիճակ՝ Արին Բերդ փողոցի խաչմերուկում

Քաղաքացիները փակել են Արցախի փողոցից ՋԷԿ և Արին Բերդ փողոց տանող խաչմերուկը։

Բողոքում են հիմնականում տնտեսվարողները, որովհետև այդ հատվածում բազմաթիվ արտադրական օբյեկտներ կան, իսկ ճանապարհն անմխիթար վիճակում է։

Ըստ ցուցարաների՝ երկու ամիս առաջ էլ նույն խնդրով ակցիա իրականացվեց, բայց այն պատկան մարմինների կողմից անտեսվել է։ Նրանց խոսքով՝ ճանապարհներն անմխիթար վիճակում են, բեռնատարները չեն կարողանում բեռներ հասցնել տնտեսվարողներին, որտեղ մոտ 3000 աշխատակից կա։

Նրանց խոսքով՝ վարչական շրջանի ղեկավարը հայտարարել է թե այն վարչական շրջանի ենթակայության տակ չէ, այլ միջհամայնքային ճանապարհ է, իսկ քաղաքապետարանը չի արձագանքել։