Թշնամի երկիրը ՀՀ-ին է փոխանցել խաղաղության համաձայնագրի նախագիծ

Ադրբեջանը քայլեր է ձեռնարկում Հայաստանի հետ հարաբերությունների կարգավորման ուղղությամբ։ Այս մասին իրանական «Tasnim» գործակալությանը տված հարցազրույցում հայտարարել է Ադրբեջանի նախագահի օգնական Հիքմեթ Հաջիևը՝ մեկնաբանելով իրավիճակը Հարավային Կովկասում։

Նա նաև հայտարարել է, որ «տարածաշրջանում խաղաղության համար բարենպաստ պայմաններ են հաստատվել»։ Հաջիևը հավելել է, որ Ադրբեջանը Հայաստանին է փոխանցել խաղաղության համաձայնագրի նախագիծը, ինչը, նրա խոսքով, «ակնհայտորեն ցույց է տալիս Բաքվի հավատարմությունը տարածաշրջանային խաղաղության օրակարգին»:

Նշել է նաև բաց հարցերի առկայության մասին և ընդգծել «Հայաստանի՝ Ադրբեջանի նկատմամբ տարածքային պահանջներից հրաժարվելու անհրաժեշտությունը, որոնք ամրագրված են Սահմանադրությամբ»: