Տաթևի համայնքապետ Սամվել Լալայանը հեռացվել է «Շանթ դաշինք» կուսակցությունից ՔՊ-ի հետ համագործակցելու համար

 «Շանթ Դաշինք» կուսակցությունը հեռացրել է իր շարքերից Սամվել Լալայանին։ Լալայանը 2021-ին կուսակցության ընտրացուցակով ընտրվել էր Սյունիքի Տաթև համայնքի ղեկավար։

«Որոշման հիմքում ընկած է Լալայանի՝ իշխանությունների հետ պետական-համայնքային սահմանված հարաբերություններից դուրս կապերը», - հայտնում է կուսակցությունը։

Նշենք, որ «Հրապարակի» տեղեկություններով՝ այսօր Նիկոլ Փաշինյանը և Աննա Հակոբյանը Տաթևում են հենց Սամվել Լալայանի հրավերով։ Լալայանը դիմել էր վարչապետի տիկին Աննա Հակոբյանին Տաթևում «Կրթվելը նորաձեւ է» արշավ անցկացնելու համար։

Հիշեցնենք՝ «Շանթ դաշինքը» հիմադրվել է 2013-ին պայթուցիկներով դեպի նախագահական նստավայր երթ իրականացնող Շանթ Հարությունյանի որդու՝ Շահենի կողմից։ Կուսակցությունը մասնակցել է 2021-ին ՏԻՄ ընտրություններին ու բացառել «Քաղաքացիական պայմանագիր» կուսակցության հետ որևէ դաշինք կազմելը։