Հյուսիսային Կորեայի առաջնորդը ռազմաօդային ուժերին հրամայել է ակտիվացնել երկրի ռազմական պատրաստությունը

Հյուսիսային Կորեայի առաջնորդ Կիմ Չեն Ընը դիտել է երկրի ռազմաօդային ուժերի վարժանքները և ընդգծել ռազմական պատրաստվածության ուժեղացման անհրաժեշտությունը, հաղորդում է Կորեայի կենտրոնական լրատվական գործակալությունը (KCNA):

Կիմ Չեն Ընը, որը հինգշաբթի ստուգել է Հյուսիսային Կորեայի 1-ին օդադեսանտային դիվիզիայի օդային պաշտպանության մարտական ​​գործողությունները և օդային հարվածների վարժանքները, կոչ է արել «զինված ուժերի բոլոր ստորաբաժանումներին առաջընթաց գրանցելու պատերազմին նախապատրաստվելու համար»։

Հյուսիսային Կորեայի պետական ​​հեռուստատեսությամբ ցուցադրված զորավարժությունների կադրերում երևում է, թե ինչպես է МиГ-29 ինքնաթիռն արձակում հրթիռ, որը, ըստ երևույթին, Ռուսաստանի մշակած միջին և մեծ հեռահարության «օդ-օդ» հրթիռի հյուսիսկորեական տարբերակն է, Reuters-ին ասել է Կորեայի Ազգային միավորման ինստիտուտի հյուսիսկորեացի վերլուծաբան Հոնգ Մինը։