Կարկուտը ծեծած տեղն է ծեծում կամ գյուղոլորտի պատասխանատուների անգործությունը

Արդեն մի քանի օր է հանրապետության տարբեր գյուղերում տեղացած կարկուտը մեծ վնաս է հասցրել գյուղատնտեսությանը: 

Yerkir.am խմբագրություն են ահազանգում բազմաթիվ գյուղացիներ` նշելով , որ անուշադրության են մատնված էկոնոմիկայի նախարարության պաշտոնյաների կողմից: 

Էկոնոմիկայի նախարարության բարձրաստիճան պաշտոնյաները «զբաղվածության» պատճառով դժվար էլ այցելեն տուժած համայնքեր: 

Էկոնոմիկայի նախարարի մի տեղակալ Արման Խոջոյանը ակտիվորեն մասնակցում է շաբաթօրյակներին ու գործարար ընթրիքներին, իսկ մյուս տեղակալ Տաթևիկ Սարգսյանը երեկ ուսումնասիրել է թափառող շների վերահսկման ոլորտում Եվրոպական միության փորձը, նախօրդ օրն էլ ագրարային համալսարանում բույսերի պաշտպանության միջոցների անմիջական հարևանությամբ խմել է բույսերի պաշտպանների կենացը: 

Ձայն ու ծպտուն չկա նաև ոլորտային ստորաբաժանման՝ Բուսաբուծության վարչության պետ Վարսիկ Մարտիրոսյանից: