Հակադաշնակցական վայնասունի հիմքում միշտ նույնն է եղել և կա` ազգայինի մերժումը. Սևակ Նազարյան

ՀՅԴ Հայաստանի Երիտասարդական միության Կենտրոնական վարչության ներկայացուցիչ Սևակ Նազարյանը գրում է.

«Հակադաշնակցական վայնասունը նորություն չէ հայ իրականության մեջ. դրանով տառապել են բոլշևիկները, համայնավարական հոսանքի սփյուռքյան դրսևորումները, ՀՀՇ-ն, այսօր էլ քպ-ն:

Բոլոր դեպքերում էլ հիմքը նույնն է եղել և կա` ազգային ամեն երևույթի մերժումը:

Բայց վերջապես մի կարճ հարցի պատասխան պետք է տալ` ինչպե՞ս է որ հակառակ այս ամենի, կա Դաշնակցությունն ու դաշնակցականությունը:

Պատասխանը նույնքան պարզ է: Դաշնակցությունը բնական կուսակցություն է: Դրա դավանած արժեքները ներմուծված չեն և չեն սնվում օտարերկրյա, եթե կուզեք որոշ դեպքերի պես նաև թշնամական պետություններից և գաղափարախոսություններից: Այդ է պատճառը, որ 135 տարի շարունակ այդ գաղափարախոսությունը հոգեհարազատ է մնում հայ ժողովրդի այն հատվածին, որը պայքարել է, կռվել, ստեղծել պետություն ու պահել այն, ազատագրել ու շենացրել հողը` մտավորականից մինչև ֆեդայի, հողագործից մինչև ազատամարտիկ:

Ուստի, զուր են բոլոր փորձերը քանդելու մի բան, որը բնական է և ճշմարիտ»: