Տարոն Մարգարյանին մեղադրանք առաջադրվեց

Տարոն Մարգարյանին մեղադրանք առաջադրվեց: Այս մասին հայտնում են Գլխավոր դատախազությունից: Նրա նկատմամբ խափանման միջոց է կիրառվել ստորագրությամբ երկրից չհեռանալը:

Տարոն Մարգարյանին պատգամավորական անձեռնմխելիությունից զրկելու միջնորդությանը կողմ է քվեարկել 67 պատգամավոր, դեմ՝ 0:

«Պատիվ ունեմ» խմբակցության պատգամավոր Տարոն Մարգարյանին ՀՀ գլխավոր դատախազ Աննա Վարդապետյանը միջնորդագիր էր ներկայացրել Ազգային ժողովի՝ մարտի 27-ի նիստին:

Ըստ միջնորդագրի՝ Տարոն Մարգարյանը քաղաքապետ աշխատած տարիներին հանցավոր ճանապարհով օրինականացրել է դպրոցական և նախադպրոցական հաստատություններից մոտ 7000 քառակուսի մետր հողատարածք: