Գյումրեցիների մեծ մասը նախկին քաղաքապետ Վարդան Ղուկասյանի վերադարձ էին ուզում. Նաիրի Հոխիկյան

Շաբաթ օրը Գյումրիում էի։ Տարբեր փողոցներում ու Վարդանանց հրապարակում բազմաթիվ գյումրեցիների հանդիպեցի, որոնք մտահոգված երկրի վիճակով՝ հարցնում էին խնդիրների լուծման իմ տարբերակների մասին։ Այս մասին գրել է մեդիափորձագետ Նաիրի Հոխիկյանը:

«Բնական է, որ խոսքի ընթացքում հարցնում էի մարտի 30-ին սպասվող Գյումրու համայնքապետի ընտրություններից։ ՔՊ-ի թեկնածուի մասին մարդիկ այսպիսի պատկերացում ունեն՝ Սարիկը վատ տղա չի, բայց աչքներիցս ընկել է, որ գնաց մտավ ՔՊ-ի մեջ ու ինքն իրեն փչացրեց։ Խոսողների մեծ մասը նախկին քաղաքապետ Վարդան Ղուկասյանի վերադարձ էին ուզում։

Իմ դիտարկմամբ, Գյումրիում և հարակից գյուղերում առաջատար դիրքեր ունեն նախկին քաղաքապետ Վարդան Ղուկասյանը և Անդրանիկ Թևանյանի գլխավորած «Մայր Հայաստան» շարժումը (թեկնածու Կարեն Սիմոնյան), որոշ հեղինակություն վայելում է նաև Ռուբեն Մխիթարյանը։ Կարծում եմ՝ հիմնական պայքարը լինելու է այս ընդդիմադիր գործիչների և ՔՊ-ի վարչական ռեսուրսի միջև, և լավ կլինի, եթե նվազագույն շեմը հաղթահարած ընդդիմությունը միավորվի՝ վերցնելով Գյումրիի կառավարումը»,- գրել է նա։