50 վարորդ ազատման դիմում է գրել և հեռացել․ ավագանու ընդդիմադիր անդամ

«Երևանի ավտոբուս» ՓԲԸ-ի 50 վարորդ դիմում է գրել և հեռացել աշխատանքից։ Այս մասին ֆեյսբուքյան էջում գրել է Երևանի ավագանու «Մայր Հայաստան» խմբակցության  ղեկավար Մանուկ Սուքիասյանը։

«Քիչ առաջ ահազանգ ստացանք, որ «Երևանի ավտոբուս» ՓԲԸ-ի 50 վարորդ, ստանալով նախորդ ամսվա աշխատավարձը, տեսնելով, որ վարձատրվել են ակնկալվող գումարից պակաս չափով, դիմում են գրել և հեռացել աշխատանքից։ Խոսքը ZHONG TONG ավտոբուսների վարորդների մասին է։ Ըստ ահազանգող վարորդների՝ կապ չունի, 07։00 ես ավտոբուսով դուրս գալիս հավաքակայանից, թե ասենք՝ 07:25, միևնույնն է, դարպասի մոտ ֆիքսվում է 07։55, ինչի արդյունքում ժամավճարը նվազում է»,- գրել է ավագանու ընդդիմադիր անդամը։