Ադրբեջանում կապիկի ծաղիկով վարակվելու դեպք է գրանցվել

Ադրբեջանում կապիկի ծաղիկով վարակվելու դեպք է գրանցվել՝ հայտնում է այդ երկրի առողջապահության նախարարությունը։

Նշվում է, որ Ադրբեջանի 22-ամյա քաղաքացին հունվարի 2-ից 11-ը զբոսաշրջային ճանապարհորդություն է կատարել արտասահմանյան երկիր։ Վերադարձից մի քանի օր անց նա գնացել է Բաքվի կլինիկա՝ գանգատվելով թուլությունից, ջերմությունից, սեռական օրգաններին բշտիկային ցանից, ավշային հանգույցների մեծացումից և մկանային ցավից։

Ինֆեկցիոն բժիշկը հիվանդի ախտանիշներից ելնելով կասկածել է կապիկի վիրուսով վարակվելու մասին։ Անամնեզը հավաքելու արդյունքում պարզվել է, որ նա եղել է արտերկրում և ճանապարհորդության ժամանակ շփվել է անձի հետ, ում մոտ ցան է առկա եղել։

Հիվանդի ցանից վերցված քսուքի PCR թեստը դրական է եղել կապիկի վիրուսի համար: Ադրբեջանցին հոսպիտալացված է։