BRICS-ը պատրաստ կլինի քննարկել Սիրիայի դիմումը, եթե նոր իշխանությունները ցանկանան․ Ռյաբկով

BRICS-ը, անկասկած, կքննարկի Սիրիայի միանալու դիմումը, եթե երկրի նոր իշխանությունները հաստատեն դա։ Այս մասին TASS վերլուծական կենտրոնին տված հարցազրույցում ասել է ՌԴ փոխարտգործնախարար Սերգեյ Ռյաբկովը՝ ամփոփելով ասոցիացիայում Ռուսաստանի նախագահության արդյունքները։

Ռյաբկովին հարցրել են, թե արդյոք BRICS-ը պատրաստ կլինի քննարկել Սիրիայի դիմումը, եթե երկրի նոր իշխանությունները հաստատեն այն։ 

«Առանց որևէ կասկածի։ Մենք լրջորեն դիտարկում ենք բոլոր երկրների դիմումները, և Սիրիան բացառություն չէ։ Բայց մենք ոչ մեկին չենք դրդում որևէ բան անել և հարգում ենք ցանկացած ընտրություն։ Ի վերջո, սա չափազանց լուրջ խնդիր է մասնակիցների կազմի առումով որևէ [ֆորմալ] ցուցանիշ հետապնդելու համար»,- նշել է ՌԴ ԱԳՆ ղեկավարի տեղակալը։ 

Ավելի վաղ ՌԴ-ում Սիրիայի դեսպան Բաշար Ջաաֆարին հայտարարել էր, որ իր երկիրը «լուրջ բանակցություններ է վարում» BRICS-ին միանալու վերաբերյալ։