Օկուպանտ Ադրբեջանը հերթական պահանջներն է ներկայացրել

Ցեղասպան Ադրբեջանի նախագահ Իլհամ Ալիևը նոր պահանջներ է դրել Հայաստանի առջև․ նա հայտարարել է, որ Հայաստանը պետք է գործնական քայլեր ձեռնարկի «արեւմտյան ադրբեջանցիների» հիմնարար իրավունքները վերականգնելու համար։ Բացի այդ նշել է, որ Հայաստանը պարտավոր է թույլ տալ ՅՈՒՆԵՍԿՕ-ի փաստահավաք առաքելության այցը՝ «ադրբեջանական ժողովրդի պատմամշակութային ժառանգության ոչնչացման հետ կապված իրավիճակը» վերահսկելու նպատակով (չակերտները Yerkir.am-ի)։

Ըստ օկուպանտ պետության ղեկավարի՝ Հայաստանի տարածքում ապրող «ադրբեջանցիները ենթարկվել են էթնիկ զտումների և աստիճանաբար բռնի կերպով վտարվել իրենց պատմական հայրենիքից» (չակերտները Yerkir.am-ի)։

Հ․Գ․ Թշնամի երկիրն օրեցօր ավելացնում է իր պահանջները, իսկ գործող իշխանությունը լուռ հետևում է դրանց։

Հիշեցնենք՝ այսօր Բաքվում Ալիևի գլխավորությամբ միջազգային խորհրդաժողով է ընթանում «Վերադարձի իրավունք. Հայաստանից բռնի տեղահանված ադրբեջանցիների համար արդարության վերականգնում» թեմայով: Խորհրդաժողովը նպատակ ունի «մշակել ադրբեջանցիների պատմական հայրենիք վերադարձի» մեխանիզմները: