Դամասկոսի մատույցներում իսրայելական ավիահարվածի հետևանքով զոհվել է «Հըզբոլլահ»-ի բարձրաստիճան պաշտոնյան

Սիրիայի մայրաքաղաք Դամասկոսի մատույցներում իսրայելական ավիահարվածի հետևանքով զոհվել է լիբանանյան «Հըզբոլլահ» շարժման բարձրաստիճան պաշտոնյան, որը պատասխանատու էր սիրիական բանակի հետ կապի համար, ըստ Reuters-ի՝ հայտնել է լիբանանյան անվտանգության աղբյուրը:

Իսրայելական բանակում չեն շտապել մեկնաբանություն անել: Իսրայելը հազվադեպ է խոստովանում իր հարվածները Սիրիայում, որտեղ տարիներ շարունակ օդային գրոհ է իրականացրել:

Ավելի վաղ Իսրայելի վարչապետ Բենիամին Նեթանյահուն հայտարարել էր, որ Սիրիայի նախագահ Բաշար ալ Ասադը «խաղում է կրակի հետ՝ թույլ տալով Իրանին Սիրիայի տարածքով զենք փոխանցել իր դաշնակիցներին»։