Արևմուտքն ու Կիևը չեն ստիպի Մոսկվային նահանջել․ ՌԴ ԱԳՆ

Արևմուտքը և Կիևը չպետք է պատրանքներ ունենան, որ իրենց սադրանքներով կկարողանան ստիպել Մոսկվային նահանջել իր գծից, հայտարարել է ՌԴ փոխարտգործնախարար Միխայիլ Գալուզինը, գրում է РИА Новости-ն։

«Մենք կորոշենք մեր պատասխանի ձևաչափն ու պարամետրերը՝ համապատասխան այն սպառնալիքներին, որոնք ծագում են և կառաջանան։ Նման պատասխաններ արդեն տրվել են, որոնց մասին ՌԴ նախագահը շատ մանրամասն խոսել է երեկ Աստանայում կայացած մամուլի ասուլիսում։ Այս գիծը կշարունակվի, և Արևմուտքը և Կիևի ռեժիմը չպետք է պատրանք ունենան, որ իրենց սադրիչ գործողություններով կկարողանան ստիպել Ռուսաստանին զոհաբերել իր շահերը, այդ թվում՝ ուկրաինական ճգնաժամի համատեքստում»,- լրագրողներին ասել է Գալուզինը։