Հայ դատի մեր գրասենյակներy COP29-ին ընդառաջ լուրջ աշխատանք են տարել և հասել լուրջ արդյունքների․ Արմեն Ռուստամյան

ԱԺ-ում ընդդիմադիր պատգամավորների նախաձեռնությամբ անցկացվում է Ադրբեջանում պահվող հայ ռազմագերիների վերաբերյալ քննարկում։ Նախաձեռնության նպատակն է, որպեսզի COP29-ի անցկացման օրերին ՀՀ խորհրդարանը հայտնի իր դիրքորոշումը՝ միջազգային դերակատարների ուշադրությունը կենտրոնացնելով հայ գերիների ազատ արձակման վրա։

«Մենք չենք կարող Ադրբեջանից արդարադատություն ակնկալել, պետք է պաշտպանենք մեր հայրենակիցներին այնտեղ։ Արցախի ռազմաքաղաքական ղեկավարությանը դատելով՝ իրենք դատում են արցախահայությանը՝ հավաքական իմաստով։ Պետք է թույլ չտանք, որպեսզի Ադրբեջանն իր նպատակներն իրականացնի»,- իր ելույթում ասաց «Հայաստան» խմբակցության պատգամավոր Արմեն Ռուստամյանը։