Վատ աշխատանքի համար պետբյուջեից պարգևատրվել են ավելի քան 56 միլիոն դրամով․ Սարգսյան

Լրագրող Ոսկան Սարգսյանը Տավուշի մարզպետ Հայկ Ղալումյանին տեղեկատվական հարցում է ուղարկել՝ հարցնելով, թե հոկտեմբերի 21-ի դրությամբ պետական բյուջեից որքա՞ն գումարով են պարգևատրվել Տավուշի մարզպետի աշխատակազմի աշխատակիցները։ 

Մարզպետարանից պատասխանել են․ «Հոկտեմբերի 21-ի դրությամբ մարզպետի աշխատակազմի աշխատակիցները ստացել են 56․045․ հազար դրամի պարգևավճարներ»։ 

«Աշխատանքային ո՞ր նվաճումների, ձեռքբերումների համար են պարգևատրվել Տավուշի մարզպետ Հայկ Ղալումյանը և մարզպետի աշխատակազմի աշխատողները։ Նիկոլ Փաշինյանը արտերկրից նոր վարկեր է վերցնում, որ վատ աշխատող պետական պաշտոնյաներին պարգևավճարներ բաժանի»,- գրել է լրագրողը։