Ժաննա Անդրեասյանը կամ չի տիրապետում խնդրին, կամ մոլորեցնում է

Վերջերս Ազգային ժողովի պատգամավոր Արմենուհի Կյուրեղյանը հարց էր ուղղել ԿԳՄՍ նախարար Ժաննա Անդրեասյանին բուհերում պրոֆեսորադասախոսական կազմի ընտրության մրցույթների հետ կապված: Ըստ պատգամավորի` բուհերում 2-3 տարի չեն անցկացվում դասախոսական կազմի ընտության մրցույթներ, և խախտվում են օրենքներն ու կառավարության որոշումները:

Նախարարը պատախանում հմտորեն կամ գուցե չիմացության արդյունքում շրջանցում է հարցի բովանդակությունը՝ հարցին պատասխանելով բացառապես կառուցվածքային փոփոխությունների համատեքստում: Կառուցվածքային փոփոխությունները բուհերում անընդհատ ու շարունակական գործընթաց է, և եթե հետևենք Անդրեասյանի տրամաբանությանը, ապա դասախոսական կազմի ընտրության մրցույթներ երբևէ չպետք է անցկացվեն:

Նախարարը նաև նշում է, որ օրենսդրությամբ պահանջվում, է որ համալսարանի հոգաբարձուների խորհրդի որոշումները տեղադրվեն կայքերում: Yerkir.am-ին Հայաստանի ազգային ագրարային համալսարանից տեղեկացրեցին, որ արդեն 5 տարուց ավել պրոֆեսորադասախոսական կազմի ընտրության մրցույթներ չեն անցկացվում, իսկ հոգաբարձուների խորհրդի որոշումներն ու արձանագրությունները կայքում չեն տեղադրվում 2021թ. ապրիլից: Ստացվում է, որ տիկին նախարարը չի տիրապետում իրեն վերապահված ոլորտի հիմնախնդիրներին, կամ էլ մանիպուլացնում է հասարակությանը: