Մնացել է 76 մեքենա. Հայաստանը գրեթե սպառել է էլեկտրամոբիլների անմաքս ներմուծման տարեկան սահմանաչափը

Հոկտեմբերի 7-ի դրությամբ տարեկան 7400 օրինակից մնացել է Հայաստան ներկրել 76 անմաքս ներմուծվող էլեկտրամոբիլ, հայտնում է պետական եկամուտների կոմիտեն։ Նախորդ տարիներին Հայաստանը չի օգտագործել ԵԱՏՄ քվոտաների նույնիսկ կեսը։

Հիշեցնենք, որ Yerkir.am-ը հատուկ հրապարակմամբ անդրադարձել էր խնդրին, փաստելով՝ կառավարությունում առայժմ թվերի ավելացման մասին քննարկում չկա: Կարող ենք զուտ ենթադրել, որ դա չեն անում երկու պատճառով.

1. անել տարեվերջին, երբ վիճակը դառնալու է օրհասական, և մարդիկ (ներմուծող ընկերությունները) ուղղակի ծնկի են գալու մաքսազերծման ծանր բեռի տակ: Դրանով Փաշինյանի իշխանությունը իրեն ներկայացնելու է իբրև փրկիչ, իսկ ներկրողները հավետ երախտապարտ են լինելու այդ «օծյալ փրկչին»,

2. հասարակության այդ հատվածի շրջանում ևս դիտավորյալ մտցնել լարվածություն՝ առայժմ անհայտ պատճառով: