Ձեր կատարած աշխատանքի շնորհիվ կերտվում է պետությանն ու հայրենիքին արժանի սերունդ․ Գառնիկ Դանիելյանը՝ ուսուցիչներին

ՀՀ ԱԺ «Հայաստան» խմբակցության պատգամավոր, ՀՅԴ Տավուշի Մարզային կոմիտեի ներկայացուցիչ Գառնիկ Դանիելյանը շնորհավորել է ուսուցիչներին․

«Սիրելի՛ ուսուցիչներ, շնորհավորում եմ ձեզ մասնագիտական տոնի առթիվ։

Ձեր կատարած աշխատանքի, նվիրվածության և ջանքերի շնորհիվ է, որ կերտվում է պետությանն ու հայրենիքին արժանի սերունդ։

Հատկապես այս դժվարին օրերին, երբ թիրախավորվում են ազգային արժեքները, ավանդույթները, վերախմբագրվում է պատմությունը, անչափ կարևոր է ձեր դերը և հաստատակամությունը։

Վստահ եմ, որ ազգային կրթությունն է ապահովելու վաղվա մեր հաղթանակները։

Շնորհակալությունս և պատկառանքս այն բոլոր ուսուցիչներին, ում համար կրթելը ոչ միայն աշխատանք է, այլ նաև առաքելություն»։