Չկա՞ այն գիտակցումը, որ ինչքան զիջում եք, միևնույն է, Ադրբեջանը կարմիր գիծ չի քաշում. Աննա Գրիգորյանը՝ Փաշինյանին

«Նիկոլ Փաշինյանն այսօր ևս մեկ անգամ հայտարարեց, որ Արցախը մեր վզին կապված թոկ էր, որից ինքն ազատվեց»:  ԱԺ հարցուպատասխանի ժամանակ ասաց «Հայաստան» խմբակցության պատգամավոր Աննա Գրիգորյանը՝ նշելով․«Բայց մի թե՞ հիմա էլ չկա այն գիտակցումը, որ Արցախն Ադրբեջանի կազմում ճանաչելուց հետո, Արցախում էթնիկ զտում իրականացնելուց հետո Ադրբեջանը չի կանգնել: Արցախը թոկ չէր մեր վզին, Արցախը մեր հպարտությունն էր, մեր ինքնության մի մասին էր»,- նշեց պատգամավորը:

Աննա Գրիգորյանն անդրադարձավ նաև գերիների խնդրին՝ հուշելով Նիկոլ Փաշինյանին, որ ներկայումս կոնֆլիկտի մեջ գտնվող բոլոր երկրների ղեկավարները, ովքեր օրերս ելույթ են ունեցել ՄԱԿ-ի ամբիոնից, խոսել են գերիների խնդրից, իհարկե, բացի Նիկոլ Փաշինյանից:

Մանրամասն՝ տեսանյութում: