Սա մեր հնարավորությունների սոսկ մի մասն էր. Իրանի հետ բախումներ մի սկսեք. Իրանի նախագահ

Իրանի նախագահ Մասուդ Պեզեշիքիանը հայտարարել է, որ Թեհրանն օգտվել է երեքշաբթի ուշ երեկոյան իսրայելական օբյեկտների վրա պատասխան հրթիռային հարված հասցնելու իր օրինական իրավունքից՝ ապահովելու համար տարածաշրջանային անվտանգությունը՝ միաժամանակ զգուշացնելով իր հակառակորդին Իրանի հետ առճակատումից խուսափելու համար:

Երեքշաբթի երեկոյան «X» սոցիալական ցանցում իր միկրոբլոգում արված գրառման մեջ Իրանի նախագահն հայտարարել է, որ «սիոնիստական ​​ռեժիմի ագրեսիայի գործողություններին վճռական պատասխան է տրվել՝ Իրանի օրինական իրավունքներին համապատասխան Իրանի ու տարածաշրջանի խաղաղությունն ու անվտանգությունն ապահովելու նպատակով»։

«Այս միջոցը ձեռնարկվել է Իրանի շահերի և անհատների պաշտպանության համար»,- ընդգծել է Մասուդ Պեզեշքիանը։

Նա շեշտել է, որ Իսրայելի վարչապետ Բենիամին Նեթանյահուն պետք է նկատի ունենա, որ Իրանը «ռազմատենչ չէ, բայց ամուր կկանգնի ցանկացած սպառնալիքի դեմ»։

«Սա մեր հնարավորությունների միայն մի մասն էր: Իրանի հետ բախումներ մի սկսեք»,- Իսրայելին զգուշացրել է Պեզեշքիանը։