Մարտահրավերների առաջ հայտնված ՀՀ-ն, վստահ եմ, որ կարողանալու է հաղթահարել բոլոր փորձությունները․ Գառնիկ Դանիելյան

ՀՅԴ Տավուշի Մարզային կոմիտեի ներկայացուցիչ, ՀՀ ԱԺ «Հայաստան» խմբակցության պատգամավոր Գառնիկ Դանիելյանը շնորհավորական ուղերձ է հղել Հայաստանի Հանրապետության Անկախության տոնի առթիվ։

«Սիրելի հայրենակիցներ, շնորհավորում եմ Հայաստանի Հանրապետության Անկախության 33-րդ տարեդարձի առթիվ։

1991 թվականի այս օրը Հանրապետության բնակչության ճնշող մեծամասնությունը՝ շուրջ 94,39 տոկոսը, «Այո» ասաց անկախությանը, ինչի հիման վրա էլ Գերագույն խորհուրդը Հայաստանը հռչակեց անկախ պետություն։

Այս օրը պետք է լինի վերարժևորման, վերագնահատման, մեր անելիքների շուրջ խորհելու օր։

Մարտահրավերների առաջ հայտնված Հայաստանի Հանրապետությունը, վստահ եմ, որ կարողանալու է հաղթահարել բոլոր փորձությունները։

Հայրենիքի հանդեպ սերն ու ազգային նպատակների շուրջ համախմբումը ի զորու են փոխել իրավիճակը, շտկել մեր մեջքն ու վերահաստատել մեր անփոխարինելի տեղն ու դերը սպառնալիքներով լի այս ժամանակաշրջանում»։