Պարեկային ծառայության ներդրումից հետո հանցավորության ցուցանիշներն աճել են․ Արգիշտի Քյարամյան

«Մարզերում պարեկային ծառայության ներդրումից հետո հանցավորության ցուցանիշներն աճել են»,-կառավարության նիստի ժամանակ հայտնեց ՀՀ Քննչական կոմիտեի նախագահ Արգիշտի Քյարամյանը։

 «Յուրաքանչյուր մարզում պարեկային ծառայության ներդրվելուց հետո մարզային վարչություններից արձագանքներ էինք ստանում, որ, օրինակ, խոշոր մարզերում ամսվա կտրվածքով 60-70 դեպքով աճել է հանցավորությասն ցուցանիշը։ Սրանք հիմնականում թմրանյութերի և զենքեր պահելու դեպքեր էին։ Իրականության մեջ այդ դեպքերը եղել են, դրանք սկսել են բացահատվել և ցուցանիշների վրա ազդել երբ ավելի պրոֆեսիոնալ ոստիկաններ են ներդրվել, խոսքը պարեկների մասին է»,-ասաց Քննչական կոմիտեի նախագահը։
 

Հիշեցնենք, որ Yerkir.am-ն անդրադարձել էր հիշյալ խնդրին՝ ընդգծելով, որ Ոստիկանությունը պարբերաբար ռեյդեր է անում՝ ամեն անգամ ներկայացնելով 0 արդյունքով  հաշվետվություն-հրապարակումներ։