Ինձանից շատ պետք է շահագրգռված լինեիր, որ այս հարցը լուծվի, եթե դու քո անձնական շահը առաջ չես տանում․ ավագանու անդամը՝ համայնքի ղեկավարին

«Ավագանու անդամները 27-ն, որից 13-ը Նորայր Սարգսյանի մարդիկ են, ինքը եթե ասի վրիպում է եղել, հանեք օրակարգից, հարցը կհանվի օրակարգից։ Մտահոգ մարդը այսօր կհանձնարարի, որ հանվի հարցը օրակարգից, ուղղվի ու հաջորդ նիստում դրվի օրակարգ; Սա թակարդ է, խայծ, որը մեքն չենք ուտի», - ասաց Նաիրի համայնքի ավագանու անդամ Արմեն Համբարձումյանը։

Ավագանու անդամը նշեց, որ համայնքի ղեկավարը իրենից շատ պետք է շահագրգռված լիներ, որ այս հարցը լուծվի, եթե նա իր անձնական շահը առաջ չի տանում։

Հիշեցնենք, որ Քասախ գյուղի բնակիչները փակել էին Աշտարակ-Երևան ավտոճանապարհը։ Պատճառն այն է, որ Նաիրի համայնքի ղեկավարը՝ Նորայր Սարգսյանը, երեկվա ավագանու նիստում որոշել է չեղարկել մի որոշում, ըստ որի՝ բնակիչներին գյուղնշանակության համար տրամադրված հողակտորների վրա շինթույլտվության իրավունքը պետք է բացառվի:

Մանրամասն՝ տեսանյութում։