Թրամփը խոստանում է ընտրվելու դեպքում պաշտոն տալ Իլոն Մասկին

ԱՄՆ նախկին նախագահ, նախագահի թեկնածու Դոնալդ Թրամփը հայտարարել է, որ ընտրվելու դեպքում իր միլիարդատեր աջակից Իլոն Մասկին կնշանակի պետական ծախսերի աուդիտի ղեկավար, որը «արմատական» բարեփոխումներ կիրականացնի։

Թրամփը վերընտրվելու դեպքում խոստանում է X-ի ղեկավարի գլխավորությամբ հանձնաժողով ստեղծել՝ կառավարության արդյունավետությունը բարելավելու համար:

«Այս քայլերը կարող են խնայել «տրիլիոնավոր դոլարներ»,- Նյու Յորքի տնտեսական ակումբում ունեցած ելույթում նշել է նախկին նախագահը:

Աշխարհի ամենահարուստ մարդը 2020 թվականին սատարել է դեմոկրատ նախագահ Ջո Բայդենին։ Թրամփի դեմ տեղի ունեցած մահափորձից հետո, սակայն, Իլոն Մասկը փոխել է դիրքորոշումը։