Օրենքի այդ սահմանումը 2021 թ․-ին հանել եք, հիմա հետ եք բերում՝ այլ ձևակերպմամբ, իմաստը ո՞րն է․ Կյուրեղյանը՝ ՔՊ-ականին

«Բնակչության բժշկական օգնության եւ սպասարկման մասին» գործող օրենքում նախատեսված են կարգավորումներ, որոնց համաձայն 16 տարին լրացած երեխաներն իրավունք ունեն տալու գրավոր իրազեկված համաձայնություն բժշկական միջամտություն ստանալու կամ դրանից հրաժարվելու վերաբերյալ` բացառությամբ օրենքով նախատեսված դեպքերի: Հիշյալ  օրենքում փոփոխությունններ կատարելու նախագիծ է մշակել ՔՊ-ական Զարուհի Բաթոյանը․ ում հեղինակած օրենքի նախագծով առաջարկվում է 16 տարին լրացած անձին (պացիենտին) իրավունք տալ մատչելի ձևով ստանալ տեղեկություն իր առողջական վիճակի, հիվանդության ախտորոշման, տրամադրված (տրամադրվող) բժշկական օգնության և սպասարկման, այդ թվում` բուժման մեթոդների ընտրության, կիրառման ընթացքի և արդյունքների, ինչպես նաև դրանց հետ կապված ռիսկերի վերաբերյալ:
 

Նախագծի վերաբերյալ դիտարկուներ արեց «Հայաստան» խմբակցության պատգամավոր Արմենուհի Կյուրեղյանը՝ հարցադրումներով   բարձրաձայնելով ՔՊ-ական պատգամավորի հեղինակած նախագծի խնդրհարույց կողմերը։