Նախագահող դատավորը, դեռևս պաշտպանական ճառը չլսած, կանխակալ վերաբերմունք ունի․ Արամ Օրբելյան

Երևանի ընդհանուր իրավասության քրեական դատարանում, դատավոր Տաթևիկ Գրիգորյանի նախագահությամբ, շարունակվում է ՍԴ նախկին նախագահ, ՍԴ դատավոր Հրայր Թովմասյանի գործով դատական նիստը։

Նշենք, որ նախօրեին փաստաբան Արամ Օրբելյանը մասամբ  ներկայացրեց պաշտպանական ճառը, որի շարունակությունը նաև այսօր է ներկայացնում։

Մինչ նիստը սկսելը, Հրայր Թովմասյանի շահերի պաշտպան Արամ Օրբելյանը դատարանին միջնորդեց աշխատանքային ժամը սահմանել մինչև 14։00-ն, ակայն դատավորն առարկեց՝ նշելով, որ կաշխատեն մինչև սահմանաված ժամը, այն է՝ 18։00-ն։

Արամ Օրբելյանը նաև ընդգծեց, որ նախագահող դատավորը  դեռևս պաշտպանական ճառը չլսած, արդեն կանխակալ վերաբերմունք ունի, և, ըստ պաշտպանի, դատավորը պաշտպանական ճառին վերաբերվում է որպես միջնորդության, ոչ թե որպես ճառի․ «դատավորը, ըստ էության, գնահատում է դեռևս չհնչեցված ճառը»,-ասաց Արամ Օրբելյանը՝ ընդգծելով, որ այնուամենայնիվ, պատճառ չի տեսնում մինչև 18։00-ն  նիստը վարելու։