Վանաձորում մեկնարկեց ՀՅԴ Կանադայի երիտասարդական միության պատանեկան ճամբարը

2011 թվականին Վանաձոր քաղաքում տեղի է ունեցել Հայ Յեղափոխական Դաշնակցության Կանադայի երիտասարդական միության պատանեկան առաջին ճամբարը: Հաջորդող տարիներին ճամբարի ծրագիրը շարունակվեց որպես Կանադայի երիտասարդական միության ծրագիր։ Այս ճամբարների ծրագրերը ընդգրկում են Դաշնակցության և Հայ Դատի պատմություն, Արցախի Ազատագրական Պայքարի պատմություն, հայրենասիրական երգերի ուսուցում, անգլերենի եւ համակարգչի դասընթացներ, մարմնակրթական և ուսուցողական խաղեր:

Այս տարի, որպես վարիչ, ճամբարին մասնակացում են Կանադայի Երիտասարդական Միությունից 10 անդամ, որոնք նոր սերունդը ազգային գաղափարախոսությամբ թրծելու հանձնառությամբ գտնվում են հայրենիքում: Ճամբարին մասնակցում է 200 պատանի։

Անցյալ տարիներին ՀՅԴ Կանադայի երիտասարդականի անդամ ավելի քան հարյուր պատասխանատու-վարիչներ գործուղվել են Լոռու մարզ և նույն այդ ժամանակահատվածում երկու հազար երեխա մասնակցել է ամառային ճամաբարների ծրագրերին։