Օդանավակայանի աշխատանքը վերականգնվել է, իսկ 36-ամյա քաղաքացին՝ ձերբակալվել

Ներքին գործերի նախարարի մամուլի քարտուղար Նարեկ Սարգսյանը ֆեյսբուքյան էջում գրում է․

«Ահազանգը, իբր «Շիրակ» օդանավակայանում ռումբ կա տեղադրված, կեղծ է։

ՆԳՆ ոստիկանության ծառայողները, համագործակցելով ԱԱԾ գործընկերների հետ և ձեռնարկելով անհետաձգելի օպերատիվ-հետախուզական միջոցառումներ, կեղծ ահազանգը կատարելու կասկածանքով ձերբակալել են 36-ամյա տղամարդու։ Օդանավակայանի բնականոն աշխատանքը վերականգնվել է»։

Հիշեցնենք, որ այսօր՝ ժամը 08:50-ի սահմաններում, ՀՀ ներքին գործերի նախարարության ոստիկանության Շիրակի մարզային վարչությունում ահազանգ է ստացվել, որ Գյումրիի «Շիրակ» օդանավակայանում ռումբ է դրված, դեպքի վայր էին ժամանել փրկարարները և ոստիկանները: