Երևանի մանկական երկաթուղու անբարեկարգ վիճակը մտահոգիչ է․ ահազանգ

«Մայր Հայաստանի» խմբակցության անդամներն այցելել են Երևանի մանկական երկաթուղի և անդրադարձել այգում առկա խնդիրներին։

Երևանի ավագանու «Մայր Հայաստան» խմբակցության անդամ Աննա Ավետիսյանը ֆեյսբուքյան իր էջում տեսանյութ է հրապարակել և գրել․

«Այսօր «Մայր Հայաստան» խմբակցության իմ գործընկերների հետ այցելել էինք Երևանի մանկական երկաթուղի։ Այգու, մեղմ ասած, անբարեկարգ վիճակը մտահոգիչ է։ Ամեն րոպե կոտրվելու ենթակա փտած ծառերը, խիստ աղտոտված տարածքը և մանկական այգուն ոչ բնորոշ այլ տեսարանները ցույց են տալիս, որ քաղաքային իշխանությունը ոչինչ չի անում խնամված, գեղեցիկ միջավայր ապահովելու և այգին իր նպատակին ծառայեցնելու համար։

Փոխարենը Մանկական երկաթուղին կարող էր հրաշալի վայր դառնալ թե՛ երեխաների, թե՛ մեծահասակների համար` մանավանդ ամռանն իրենց հագիստը կազմակերպելու առումով։

Ուրախալին միայն այն է, որ այգու առողջ ծառերը, ըստ իրենց սովորության, դեռ չեն կտրել»։