Գործում ենք կեղտոտ համակարգի դեմ, որում ժողովրդի գումարներով պահվող ՊՈԱԿ-ներն են․ ըստ տեղեկության,նաև ներգրավված է «Վիվառո»-ն․ Սրբազան

«Այս ժամանակահատվածը մեզ ցույց տվեց, որ մենք գործում ենք կեղտոտ համակարգի դեմ՝ իր բոլոր դրսևորումներով, համացանցային ամենաստորին աստիճանից, ձեր փողերով պահվող ՊՈԱԿ-ներից: Տեղեկություն ունենք, որ այս ամենի մեջ ներգրավված է նաև «Վիվարո»-ն»,- մամուլի ասուլիսի ժամանակ հայտնեց Բագրատ Սրբազանը։ «Կեղտոտ համակարգը բարձրացել է մինչև խորհրդարանի ամբիոն։ Ամբիոնը դարձել է կեղտոտ քարոզչության միջոց, որտեղ մարդիկ ինքնադրսևորվում են։ Դրանցից մեկի, որն իրեն շատ է երևակայել, անցել է նաև թմրանյութի գործով, Արթուր Հովհաննիսյանի դեմ դատական գործընթաց ենք սկսելու՝ իր հայտարարությունների համար»,- ասաց Բագրատ Սրբազանը՝ կրկին նշելով, որ շարժումը դառնալու է օրակարգ թելադրող։