Ստեփանակերտի քաղաքապետի նկատմամբ կիրառվեց 2 ամիս ժամկետով տնային կալանք

Դատավոր Մասիս Մելքոնյանը ամբողջությամբ բավարարեց քննիչի միջնորդությունն ու Ստեփանակերտի քաղաքապետ Դավիթ Սարգսյանի նկատմամբ կիրառեց 2 ամիս ժամկետով տնային կալանք։ Այդ մասին հայտնում է պաշտպան Ռուբեն Մելիքյանը։

Հիշեցնենք, Դավիթ Սարգսյանին մեղադրանք է առաջադրվել ՀՀ քրեական օրենսգրքի 255-րդ հոդվածի 3-րդ մասի 3-րդ կետով և 457-րդ հոդվածի 2-րդ մասով՝ առերևույթ խարդախությամբ առանձնապես խոշոր չափերով գույքի հափշտակություն կատարելու և փաստաթղթեր կեղծելու դեպքի վերաբերյալ։

Փաստաբանը դատարանին ներկայացրել է բացարկ, քանի որ վստահություն չունեն դատավոր Մասիս Մելքոնյանի նկատմամբ։

Ավելի վաղ Արցախի նախագահ Սամվել Շահրամանյանը, մեկնաբանելով Դավիթ Սարգսյանի նկատմամբ առաջադրված մեղադրանքը, այն որակել է «քաղաքական»՝ ընդգծելով վերջին օրերին Սարգսյանի աջակցությունը Բագրատ Սրբազանի առաջնորդած պայքարին։ Պաշտպանը նույնպես նշել է գործի քաղաքական բնույթի մասին։