Լուրը սուտ է, հերքում եմ. Շիրակի նախկին դատախազը Գյումրիում չի մասնակցել Բագրատ Սրբազանի հանրահավաքին

Yerkir.am-ի՝ «Բագրատ Սրբազանի` Գյումրվա հանրահավաքը «վարկաբեկողները». Գագիկ Համբարյան» վերտառությամբ հրապարակման առիթով խմբագրություն է զանգահարել Շիրակի մարզի նախկին դատախազ Կարեն Գաբրիելյանն ու հայտնել, որ քաղաքագետի հայտնած տեղեկությունը չի համապատասխանում իրականաությանը:

Նախկին դատախազը հերքել է իր մասնակցությունը հունիսի 1-ին Գյումրիի Թատերական հրապարակում Բագրատ Սրբազանի հետ տեղի ունեցած  հանդիպում-հանրահավաքին՝ հավելելով, որ ինքն այդ օրը ունեցել է հյուրեր և նրանց հետ միասին գտնվել է Գյումրի քաղաքի տարբեր հատվածներում։

Նախկին դատախազը նաև պնդել է, որ որոշ անձինք, տարածելով իր լուսանկարը և իրականությանը չհամապատասխանող տեղեկությունները, զբաղված են անձնական դիվիդենտներ հավաքելով: