Առավոտյան ժամը 11:00-ին շարժվում ենք դեպի Հանրապետության հրապարակ. Բագրատ Սրբազան

Մայիսի 9-ին դեպի Երևան ուղևորվող երթն Աբովյան քաղաքից կմեկնարկի 11:00-ին: Այս մասին հայտարարեց երթն առաջնորդող Բագրատ Սրբազանը:

«Առավոտյան ժամը 11:00-ին շարժվում ենք դեպի Երեւան` Հանրապետության հրապարակ: Վաղը մայիսի ինն է, մեր գողացված  եռատոնը, վաղը պետք է մեկնարկը լինի մեր կենսագրության վերականգնման: Աստված օրհնի ձեզ»,-ասաց նա:

Հիշեցնենք, որ սահմանազատման դեմ պայքարողները Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ Կիրանցից քայլերթով գալիս են Երևան` միակողմանի սահմանազատման գործընթացը կասեցնելու նպատակով։

Մայրաքաղաքում մայիսի 9-ին նրանք մեծ հանրահավաք են հրավիրում։ Շարժման անդամներին քայլերթի ճանապարհին բազմաթիվ քաղաքացիներ ողջունում են և իրենց աջակցությունը հայտնում։