Գևորգ Պապոյանին ըստ համամասնական ցուցակի, կփոխարինի Դավիթ Կարապետյանը

«Քաղաքացիական պայմանագիր» խմբակցության պատգամավոր Գևորգ Պապոյանը հայտարարել է, որ վայր է դնում պատգամավորական մանդատն ու տեղափոխվում գործադիր իշխանություն՝ ստանձնելով էկոնոմիկայի նախարարի պաշտոնը։

ՔՊ ցուցակի հաջորդ համարը Դավիթ Կարապետյանն է: 2018-ից այս կողմ զբաղեցրել է մի շարք պաշտոններ։ 2018-ի հոկտեմբերից 2022-ի հունվարը ընկած ժամանակահատվածում զբաղեցրել է Մալաթիա-Սեբաստիա վարչական շրջանի ղեկավարի պաշտոնը։ 2022-2023 թթ-ին ՀՀ Պետական վերահսկողական ծառայությունում իրավախորհրդատու է եղել, իսկ 2023-ի հուլիսին նշանակվել էր Սննդամթերքի անվտանգության տեսչական մարմնի ղեկավարի տեղակալ:

Մանդատը վերցնելու մասին «Ժողովուրդ» օրաթերթի հարցին՝ Կարապետյանը պատասխանել է, որ դեռ վաղ է այդ մասին խոսել, որոշում չունի: