Տեղի կունենա «Արդարության մարտիկներ» ֆիլմաշարի հերթական՝ «Անմահության հետքերով» փաստագրական ֆիլմի պրեմերան

Կինոբեմադրիչ Սամվել Թադևոսյանի «ԱՐԴԱՐՈՒԹՅԱՆ ՄԱՐՏԻԿՆԵՐ» ֆիլմաշարի հերթական՝ «ԱՆՄԱՀՈՒԹՅԱՆ ՀԵՏՔԵՐՈՎ» փաստագրական ֆիլմի պրեմերան տեղի կունենա 2023 թվականի նոյեմբերի 14-ին՝ ժամը 19:00-ին Նարեկացի Արվեստի միությունում:

«Կյանքդ կյանքիս համար, կյանքս կյանքիդ գնով»․ ահա բարոյական գիտակցության այս բարձրագույն վարքով, կռվի ելան Գավառ քաղաքի Գրիգորյան ընտանիքի երեք Արուները՝ Կարեն Գրիգորյանն ու նրա Անդրանիկ և Մերուժան որդիները: Մերուժան Գրիգորյանը բեկորային վիրավորում ստացավ «Եղնիկներ»-ի մարտագծում, իսկ Անդրանիկ Գրիգորյանը հերոսաբար զոհվեց՝ հերթական մարտական արտակարգ հանձնարարությունը կատարելու ժամանակ:

Անմահությունը Հերոսների ծննդյան վկայականն է։ Այդ վկայականի հերթական արժանավորն է Կա-Էս հրանոթային հաշվարկի հրամանատար, կապիտան Անդրանիկ Կարենի Գրիգորյանը: