Օդի ջերմաստիճանը կբարձրանա. առանձին շրջաններում սպասվում է կարճատև անձրև

Հայաստանի Հանրապետության տարածքում նոյեմբերի 4-ին առանձին շրջաններում սպասվում է կարճատև անձրև։ Նոյեմբերի 5-9-ին սպասվում է առանց տեղումների եղանակ։ Այս մասին տեղեկացնում է Հիդրոօդերևութաբանության և մոնիթորինգի կենտրոնը՝ նշելով, որ օդի ջերմաստիճանը նոյեմբերի 4-ին նախորդ օրվա համեմատ 3-4 աստիճանով կբարձրանա։

Նոյեմբերի 4-ի ցերեկը Սյունիքում և Լեռնային Ղարաբաղում սպասվում է կարճատև անձրև։ Նոյեմբերի 5-9-ին սպասվում է առանց տեղումների եղանակ։ Քամին՝ հյուսիսարևմտյան 2-4 մ/վրկ արագությամբ, նոյեմբերի 7-ին առանձին վայրերում սպասվում է քամու ուժգնացում 13-16 մ/վրկ արագությամբ:

Մայրաքաղաքում օդի ջերմաստիճանն այսօր ցերեկը կլինի 19-21, երեկոյան՝ 13-15 աստիճան։