Օկուպացված Ստեփանակերտում, Իվանյանում, Տերտերում Ադրբեջանը ժամանակավոր պարետներ է նշանակել

Օկուպացված Ստեփանակերտում, Իվանյանում, ինչպես նաև  Տերտերում Ադրբեջանը ժամանակավոր պարետներ է նշանակել:

Ինչպես հաղորդում են ադրբեջանական լրատվականները, այս մասին կոլեգիայի նիստում ասել է Ադրբեջանի ներքին գործերի նախարար, գեներալ-գնդապետ Վիլայաթ Էյվազովը:

 ««Ազատագրված տարածքներում» ձեռնարկվել են անվտանգության և իրավակարգի ապահովման համար անհրաժեշտ բոլոր միջոցները, պահպանության տակ է վերցվել յուրաքանչյուր տուն, յուրաքանչյուր շենք և ենթակառուցվածքային օբյեկտ»,- նշել է նա: 

Օկուպացված Իվանյանի հրամանատար է նշանակվել գնդապետ Զաուր Նաբիևը,  Տերտերի շրջանի հրամանատար՝ գնդապետ Էլչին Գասիմովը, իսկ  օկուպացված Ստեփանակերտի հրամանատար՝ ոստիկանության գեներալ-մայոր Սարդար Սաֆարովը:

Օկուպացված Ստեփանակերտում ստեղծվել է քաղաքային ոստիկանության բաժին: