Ռուբեն Վարդանյանի կինը հաստատում է. Ռուբեն Վարդանյանն այսօր գերեվարվել է ադրբեջանցիների կողմից

Ռուբեն Վարդանյանի կինը՝ Վերոնիկա Զոնաբենդը, հայտարարություն է տարածել, որը ներկայացնում ենք ստորև.

Այսօր առավոտյան ամուսինս՝ բարերար, գործարար և Արցախի Հանրապետության նախկին պետնախարար Ռուբեն Վարդանյանը, ձերբակալվել և գերեվարվել է Ադրբեջանի իշխանությունների կողմից սահմանին, երբ փորձում էր լքել Արցախը ադրբեջանական օկուպացիայից փախած հազարավոր այլ հայերի հետ։ Շրջափակման տասը ամիսների ընթացքում Ռուբենը ուս ուսի տված կանգնել է արցախցիների կողքին, տանել դժվարությունները, նրանց հետ պայքարել գոյատևման համար։ Ես աղոթում եմ, որ ամուսինս անվնաս ազատ արձակվի և խնդրեմ ձեր աջակցությունը:

Վերոնիկա Զոնաբենդ

Ավելի վաղ հայտնել էինք, որ Ռուբեն Վարդանյանը ձերբակալվել է Արցախից Հայաստան տեղափոխվելու ճանապարհին։