Ստեղծվում է կոմիտե. վաղը 18։00 կասեմ կոմիտեի կազմը. Վազգեն Մանուկյան

Մենք հիմա մի շրջանում ենք, երբ հայ ժողովուրդը հասկանում է, որ կործանվում է Արցախը եւ նույնը լինելու է Հայաստանում: Այս մասին այսօր՝ սեպտեմբերի 20-ին, Հանրապետության հրապարակում հանրահավաքի ժամանակ նշեց նախկին վարչապետ Վազգեն Մանուկյանը:

«Իրենք ասելու են՝ անկլավները մերն են ու ով այնտեղ է, ագրեսոր է, սեպարատիստ է, մտցնելու են զորքը այդ անլավների համար, Սյունիքը փորձելու են վերցնել: Ու ես կոչ կանեի Սյունիքի ժողովրդին զինվեք: Զինվեք, կազմեք ջոկատներ, միայն բանակի վրա հույս չդնեք: Բանակը ուժեղ է, բայց գտնվում է մի մարդու ձեռքում, որը ոնց ուզում, օգտագործում է: Զինվեք, պաշտպանեք ձեր երկիրը, մենք էլ փորձենք այստեղ իշխանություն փոխելով պաշտպանենք մեր երկիրը»,-ասաց նա: