100 տարի առաջ ցեղասպանության կազմակերպիչները երիտթուրքերն էին, այսօր ՔՊ երիտհայերն են. Ավետիք Իշխանյան

Իրավապաշտպան Ավետիք Իշխանյանն իր ֆեյսբուքյան էջում գրել է.

«Ո՞Վ ԿՍՊԱՍԵՐ․․․

Այսպիսով, մեր սերունդը նույնպես ականատես եղավ հայ ժողովրդի հերթական  գաղթին և ցեղասպանությանը։ Ո՞վ կսպասեր, որ այն սահմռկեցուցիչ պատմությունները, որ լսել էինք մեր մեծերից, 21-րդ դարում, մեր աչքի առաջ կկրկնվեն և մենք, իբր ունենալով պետություն, զինված ուժեր՝ անօգնական, ընդամենը դիտորդի կարգավիճակում  կլինենք։ Եթե, ավելի քան 100 տարի առաջ,  ցեղասպանություն կազմակերպիչներն ու իրականացնողները երիտթուրքերն էին, ապա այսօր կազմակերպիչները քպ-ական երիտհայերն են, իրենց գարշապետի գլխավորությամբ, իրականացնողները՝ նրանց դաշնակից ադրբեջանցիները։

Այլևս չփնտրեք  այլ մեղավորներ՝ հավաքական արևմուտք, Ռուսաստան, Թուրքիա։ Մեղավոր ենք բոլորս, որ չկարողացանք վռնդել և հաշվեհարդար տեսնել դավաճանական քպ-ական խմբակին։

ԱՄՈ՛Թ, ԱՄՈ՛Թ, ԱՄՈ՛Թ․․․»: