Բաքուն պատրաստ է կազմակերպել Աղդամի և Լաչինի ճանապարհների զուգահեռ օգտագործումը

Ադրբեջանը պատրաստ է կազմակերպել Ակնա (Աղդամ)-Ստեփանակերտ և Լաչին-Ստեփանակերտ ճանապարհների զուգահեռ օգտագործումը Ղարաբաղ ապրանքների առաքման համար՝ հանրապետության օրենսդրության պահանջներին համապատասխան։ Այս մասին լրագրողներին հայտնել է երկրի ԱԳՆ մամուլի քարտուղար Այհան Հաջիզադեն։

«Այսօր Կարմիր Խաչի միջազգային կոմիտեն (ԿԽՄԿ), դիմելով ադրբեջանական կողմին, նախնական տեղեկություն է տրամադրել սեպտեմբերի 18-ին Ակնա (Աղդամ)-Ստեփանակերտ և Լաչին-Ստեփանակերտ ճանապարհներով բեռներ ընդունելու վերաբերյալ հակառակ կողմի համաձայնության մասին։ Սպասվում է, որ մոտ ժամանակներս ԿԽՄԿ-ն պաշտոնական նոտա կներկայացնի ադրբեջանական կողմին այս հարցով։ Ինչպես ավելի վաղ նշվել էր, ադրբեջանական կողմը պատրաստ է կազմակերպել Ակնա (Աղդամ)-Ստեփանակերտ և Լաչին-Ստեփանակերտ ճանապարհների զուգահեռ օգտագործումը՝ երկրի օրենսդրության պահանջներին համապատասխան»,- ասել է ԱԳՆ պաշտոնական ներկայացուցիչը։