Լիսպոնի հերոսների ոգեկոչման միջոցառում

Նախաձեռնութեամբ ՀՅԴ Արևմտեան ԱՄՆի Կենտրոնական Կոմիտէի և մասնակցութեամբ ՀԵԴ, ՀԵԴ Գլենդելի Ռուբէն ուխտ և Շանթ Ուսանողական Միութեան Կիրակի, Յոյլիս 23ի երեկոյեան ժամը 6ին Բրբէնքի Բէշիր Մարտիրոսեան Երիտասարդական կենտրոնում տեղի ունեցաւ «Սրբազան Խաչելութիւն» վերնագրով ոգեկոչման ձեռնարկ նուիրուած Լիսպոնի հինգ մարտիկների սխրագործութեան 40 ամեակի յիշատակին:

Միջոցառմանը ցուցադրուեցին տարբեր տեսաերիզներ, ներառեալ անհատական վկայութիւններ և պատմական արխիւներ, տեղի ունեցաւ յեղափոխական երգերի ներկայացում, դուդուկով և դաշնամուրով, որին երգով միացան բոլոր ներկաները: Եղան նաև համապատասխան ասմունքներ Րաֆֆի Սարեանի միջոցով:

ՀՅԴ Արևմտեան ԱՄՆի Կենտրոնական Կոմիտէի անունից խօսք առաւ Տարօն Տէր Խաչատուրեանը: Օրուայ գլխաւոր բանախօսն էր հրապարակախօս՝ Վաչէ Բրուտեանը: