Արմեն Աշոտյանի կալանքի դատական նիստը սկսեց և ընդմիջվեց 1,5 ժամով. պաշտպան

Արմեն Աշոտյանի կալանքի դատական նիստը սկսեց և ընդմիջվեց 1,5 ժամով իմ միջնորդությամբ՝ նյութերին ծանոթանալու համար: Այս մասին ֆեյսբուքյան իր էջում գրում է Արմեն Աշոտյանի պաշտպան Տիգրան Աթանեսյանը։

Հիշեցնենք, որ այսօր ՀՀԿ փոխնախագահ Արմեն Աշոտյանը ձերբակալվել է 24 ժամով, 12 ժամվա ընթացքում պետք է ներկայացվի դատարան նրա նկատմամբ կալանքը որպես խափանման միջոց ընտրելու հարցը: Փաստաբանը հայտնել էր, որ ձերբակալման հիմքն այն է, որ նա խախտել է բացակայելու արգելք խափանման միջոցի պայմանները, սակայն թե ինչով է խախտել, նշված չէ:

Աշոտյանն այս գործընթացը որակում է որպես քաղաքական հետապնդում, նա հրաժարվել է ցուցմունք տալ: